“Арсенал” “Реал” орзусини рўёбга чиқаришга рози бўлди, фақат шарти оғир

“Реал” раҳбарияти ҳимоя чизиғини мустаҳкамлаш учун Европанинг энг яхши марказий ҳимоячиси сифатида эътироф этилаётган Вильям Салибани олишни истаяпти.

“Арсенал” ўз ўйинчисини осонликча қўйиб юбормайди. Бироқ “канонирлар”ни трансферга кўндириш йўли борлиги айтилмоқда.

Лондон клуби Салибани Мадридга қўйиб юбориши мумкин. Бунинг учун мадридликлар Микель Артета кўзлаган футболчини Англияга жўнатиши талаб этилади.

Fichajes нашрининг ёзишича, “Арсенал” майдон марказида жиддий ўзгаришлар қилмоқчи ва мураббийлар штаби бу позицияга Орельен Тчуамени муносиб, деган хулосага келган.

Шу боис, ҳар икки клуб орзусидаги футболчиларни қўлга киритиш учун ўзаро келишиб олишига хизат қиладиган омиллар пайдо бўла бошлади.