"Арсенал" сафарда мағлуб бўлди...

Англия Премьер-Лигаси 23-турининг илк баҳси ўз ниҳоясига етди. Унда "Арсенал" меҳмонда "Астон Вилла"га минимал ҳисобда мағлуб бўлди. Учрашувда урилган ягона голга 2-дақиқада виллаликлар форварди Олли Уоткинс муаллифлик қилди.

Шу тариқа, "Астон Вилла" ўз очколари сонини 35 тага етказиб олди ва 8-ўринга кўтарилди. "Арсенал"да эса очколар сони 31 та, ўрин эса ўнинчи.

• 90+7'
  

  Учрашув якунланди! "Арсенал" меҳмонда минимал ҳисобда мағлуб бўлди. Матнли трансляцияни Абдулла Маннонов олиб борди. Эътиборингиз учун раҳмат!

• 90+6'
  

  Жек Грилиш қизишиб кетди ва сариқ карточка билан огоҳлантирилди.

• 90+5'
  

  Сака навбатдаги бурчак тўпини ижро этди, хавфли ҳужум ташкил этилмоқда.

• 90+4'
  

  "Арсенал" бурчакдан тўпни ўйинга киритади. Хавфли вазият тобора кескин тус олмоқда.

• 90+3'
  

  Гранит Жака сариқ карточка билан огоҳлантирилди.

• 90+'
  

  Учрашув асосий вақтига 5 дақиқа вақт қўшиб берилди.

• 87'

  Уоткинснинг зарбаси унчалик хавфли чиқмади, дарвозабон уни осонгина қайтарди.

• 84'

  Мартин Эдегорнинг кучли зарбаси дарвозадан бироз юқорилаб кетди.

• 83'

  Букайо Сака ўта қулай вазиятдан фойдалан олмади, ҳимоя чизиғи яхши ҳаракат қилди.

• 80'
  

  Букайо Сака бурчакдан тўпни ўйинга киритиб беради.

• 78'
  

  Росс Баркли ўрнига Жейкоб Ремзи ўйинга қўшилди.

• 76'
  

  "Арсенал" бурчакдан тўпни ўйинга киритиб беради.

• 75'
  

  Томас ўйинни давом эттира олмайди. Унинг ўрнига ўйинни Виллиан давом эттирадиган бўлди.

• 74'
  

  Томас жароҳат олган шекилли. У майдонда тиббий ёрдам олмоқда.

• 73'

  Мартин Эдегор жарима майдончаси ичига тўпни етказиб берди, бироқ ҳимоячилар хавфли вазият юзага келишига йўл қўймади.

• 72'

  Саканинг узатмаси ўз эгасига етиб бормади.

• 69'
  

  Пепенинг чап пастги бурчакка берган зарбасини Эмилиано Мартинез қайтариб бурчакка чиқариб юборди.

• 67'

  Жек Грилишда ҳаммаси жойида. У ўйинни давом эттира олади.

• 66'
  

  "Астон Вилла"да ҳам ўзгариш: Бертран Траоре ўрнига Трезеге ўйинга қўшилди.

• 65'
  

  Седрик Соареш ўрнига Мартин Эдегор ўйинга қўшилди.

• 64'
  

  Жек Грилиш майдонда тиббий ёрдам олмоқда. Унинг жароҳати жиддий шекилли.

• 62'

  Гранит Жака қўл билан ўйнаб юборди.

• 60'

  Мартинез тўпга бугун яхши эга чиқмоқда. Бу сафар Соарешнинг узатмаси зарарсизлантирилди.

• 59'
  

  "Арсенал"да жиддий ўзгариш: Александр Ляказетт ўрнига Пьер-Эмерик Обамеянг ўйинга қўшилди.

• 57'

  Эктор Бельерин қанотда тўпни қабул қилиб олди, жарима майдони ичига узатилган тўпни Эмилиано Мартинез эгаллаб олди.

• 55'
  

  Жон МакГин зарба позициясига чиқиб, дарвозага кучли зарба берди, Метью Райан тўпни қайтарди!

• 53'

  Пепенинг зарбасига бироз аниқлик етишмади, тўп устундан юқорилаб кетди.

• 52'
  

  "Арсенал" футболчиси Томас сариқ карточка билан огоҳлантирилди.

• 51'
  

  Олли Уоткинс дарвозага боши билан зарба берди, бироқ дарвозабон бунга тайёр турганди.

• 49'

  Баркли тўпни жарима майдончаси ташқарисида тўпни қабул қилиб олди ва енгил зарба берди, Метью Райан енгил сейв билан вазиятни бартараф этди.

• 48'
  

  Бурчакдан тўпни ўйинга киритиб берилди. "Арсенал" хавфли вазият юзага келтира олмади.

• 46'

  Ляказетт тезкорлик билан рейд уюштириб тўпни қанотдан жарима майдончаси ичига йўналтирди, ҳимоячи фаол ўйнади.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+3'
  

  Биринчи бўлим якунланди. Танаффус.

• 45+'
  

  Биринчи бўлимга 3 дақиқа вақт қўшиб берилди.

• 44'
  

  Гол бўлганида жуда чиройли бўларди! Бироқ дарвозабон бунга йўл қўймади. Пепенинг ажойиб зарбаси бартараф этилди.

• 43'

  Седрик Соареш жарима зарбасини ижро этди, тўп бироз баландлаб кетди.

• 41'

  Седрик Соареш жарима майдончаси ичига тўпни етказиб берди, бироқ ҳимоячилар хавфни бартараф этишди.

• 38'

  Тўп назорати "Арсенал" томонда: 37:63.

• 35'
  

  "Астон Вилла" футболчиси Марвелус Накамба сариқ карточка олди.

• 33'

  "Арсенал" ажойиб ҳужум уюштирди, Роб Холдинг 11 метрлик нқта устида ҳаммадан баланд сакраб бош билан зарба берди, бироқ тўп бироз юқорилаб кетди!

• 32'
  

  Конса қўполлиги учун сариқ карточка билан огоҳлантирилди.

• 31'
  

  Метью Райан Бертран Траоренинг кучли зарбасини қайтарди! Ажойиб сейв.

• 30'
  

  Букайо Сака бурчакдан тўпни тезкорлик билан ўйинга киритиб беради.

• 29'
  

  Уххх қандай сейв! Гранит Жака жарима зарбасидан тўпни юқори бурчакка аниқ ва кучли тарзда йўналтирди! Эмилиано Мартинез уни қайтарди!

• 28'

  Қўполлик. Грилиш бу фоли учун сариқ карточка ҳам олиши мумкин эди. Бироқ ҳакам оғзаки огоҳлантириш ва жарима зарбаси билан чекланди.

• 26'

  Грилиш хавфли вазият юзага келтира олмади. Узатма ҳимоячи томонидан блокланди.

• 25'
  

  Жек Грилиш бурчакдан тўпни ўйинга киритиб беради.

• 23'
  

  "Арсенал"да бурчак зарбаси. Сака уни ижро этади. Дарвозабон Эми Мартинес тўпга ҳаммадан эрта чиқиб келди.

• 23'

  Сака жамоасига бурчак тўпи ишлаб берди.

• 21'

  Букайо Сака жарима майдончаси ичида тўп билан таъминланган эди, бурчак ўткирлашиб кетди. Эмилиано Мартинес тўпга зарбадан олдин етиб борди ва уни эгаллади.

• 18'

  Метти Кеш жарима майдончаси ичига тўпни етказиб берди, бироқ ҳимоячилар яхши ўйнади.

• 15'

  "Арсенал" тўп назоратига эътибор қаратмоқда, лекин виллаликларнинг ҳужумлари хавфлироқ чиқмоқда.

• 13'
  

  "Астон Вилла" бурчак тўпига эга бўлмоқда. Бурчак тўпи ижро этилди, бироқ хавфли вазият юзага келмади.

• 12'

  Мезбонлар футболчиси Бертран Траоре қўполлик ишлатди. Бош ҳакам Крис Кавана ҳуштагини чалиб, жарима зарбаси белгилади.

• 10'

  Ляказеттда эса аҳвол бироз оғирроқ. Бироқ у ўйинни давом эттириш учун майдонга қайтди.

• 10'

  Конса майдонга қайтди. У ўйинни давом эттира олади.

• 9'
  

  Ухх, қаттиқ тўқнашув! "Арсенал" футболчиси Александр Ляказетт ҳамда "Астон Вилла" ҳимоячиси Эзри Конса тўқнашиб кетди ва шикастланишди! Тиббий ёрдам кўрсатилмоқда.

• 8'

  Николья Пепе жарима майдони ичига тўпни қанотдан етказиб берди, бироқ узатма анча баландлаб кетди.

• 6'

  Бош ҳакам ҳуштагини чалди. Олли Уоткинс ҳужумда фол намойиш этди.

• 4'
  

  Букайо Сака бурчакдан тўпни ўйинга киритиб берди, бироқ ҳимоячилар вазиятни бартараф этди.

• 3'

  Тезкор гол ўтқазиб юборган лондонликлар тезкор ҳужум уюштиришди. Букайо Саканинг узатмасини ҳимоячилар майдон ташқарисига чиқариб юборди. Бурчак тўпи ижро этилади.

• 2'
  

  ГОООООООООООООООООЛЛЛ!!! Учрашувда тезкор гол киритилди! "Астон Вилла" футболчилари ҳисобни очмоқда! Бертран Траоренинг узатмасини Олли Уоткинс дарвозага тўғирлаб юборди ва жамоасини ҳисобда олдинга олиб чиқди! 1-0!

• 1'
  

  Учрашув бошланди!

• 0'

  Футболчилар майдонга чиқиб келишмоқда. Ўйин бошланиш арафасида. АПЛ мадҳияси янгради.

• 0'

  Ассалому алайкум, қадрли футбол ихлосмандлари! АПЛ 23-турига старт берувчи баҳс трансляциясига хуш келибсиз. Ўйинни сиз билан Абдулла Маннонов биргаликда кузатиб боради.