"Арсенал" сафида "Эвертон"га қарши ўйиндан олдин айрим йўқотишлар бор

Лондоннинг "Арсенал" клуби сафида эртага АПЛнинг навбатдаги тури доирасидан ўрин олган “Эвертон”га қарши ўйиндан олдин айрим йўқотишлар мавжуд.

Клуб расмий сайти тарқатган хабарга кўра эртага Ливерпулда бўладиган ўйинда ҳимоячи Саед Колашинац жароҳати сабаб иштирок этолмайди. Шунингдек Месут Ўзилнинг ҳам жароҳати ҳали тўлиқ соғайгани йўқ, у ҳам эртанги баҳсни ўтказиб юбориши мумкин.

Бироқ, Эктор Бельерин, Роб Холдинг ва Гранит Жака каби футболчилар сафга қайтишган. Улар “Эвертон”га қарши ўйинда “Арсенал”га ёрдам бера олишади.

Эслатиб ўтамиз, “Эвертон” – “Арсенал” баҳси эртага Тошкент вақти билан соат 17:30 да бошланади.