Америкалик ишбилармон Стэн Кронке Лондоннинг "Арсенал" клубини сотмоқчи эмас. Бу ҳақда Sky Sports мухбири Каве Солхекол хабар тарқатмоқда.

Юқоридаги манбага кўра, 73 ёшли миллиардер лойиҳани ривожлантириш учун клуб мухлислари билан ўзаро алоқаларни кучайтирмоқчи. Мухлисларнинг клуб хўжайинидан норозилигига асосий сабаб - "Арсенал"нинг Европа Суперлигасини яратишда иштирок этгани бўлди. Жамоа мухлислари раҳбариятнинг ушбу қарорига салбий муносабат билдиришди.

Бундан аввалроқ, Spotify компанияси асосчиси Даниэль Эк “Арсенал”ни сотиб олиши мумкинлиги ҳақида хабарлар тарқалган эди.

“Арсенал” 33 турдан сўнг АПЛ мусобақа жадвалида 10-ўринда бормоқда. Микель Артета жамоаси Европа лигаси ярим финалида ҳам курашни давом эттирмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)