"Арсенал" туркиялик юлдузни сотиб олмоқчи

Лондоннинг "Арсенал" клуби "Ювентус" вингери Кенан Йилдизга жиддий қизиқиш билдирмоқда ва уни ўз сафига қўшиб олиш ҳақида ўйламоқда, деб хабар беради Caught Offside.

20 ёшли футболчининг агенти Жорже Мендеш аллақачон Туринда инглиз клуби вакиллари билан учрашув ўтказган ва томонлар футболчининг эҳтимолий трансферини муҳокама қилишган. Битим суммаси 90-100 млн евро оралиғида бўлиши кутилмоқда.

Аввалроқ, Йилдизни "Манчестер Юнайтед" ва "Челси" ҳам кузатиб бораётгани хабар қилинганди. Туркиялик ярим ҳимоячининг "Ювентус" билан шартномаси 2029 йилнинг 30 июнига қадар мўлжалланган.

Жорий мавсумда Йилдиз клуб сафида 14 та ўйинда 3 та гол ва 4 та голли узатмага муаллифлик қилган. Transfermarkt портали уни 75 млн еврога баҳоламоқда.