"Арсенал" ва "Манчестер Сити" бир футболчи учун даъвогарлик қилмоқда

"Лион" ярим ҳимоячиси Уссам Ауар АПЛ грандларининг эътиборини ўзига тортмоқда.

ESPN нашрининг ёзишича, 22 ёшли французни "Манчестер Сити" ва "Арсенал" ўз сафида кўрмоқчи. “Канонирлар” ушбу трансфер учун “Лион”га ҳатто ҳимоячи Маттео Гендузини ҳам қўшиб беришга тайёр.

Уссам Ауар ўтган мавсум 41 та ўйинда майдонга тушди ва ўз ҳисобига 9 та гол ҳамда 10 та голли узатмага муаллифлик қилди. Унинг трансфер нархи эса 49,5 млн еврога баҳоланмоқда.