«Арсенал» ва «Манчестер Юнайтед» «Ливерпуль»нинг собиқ футболчиси учун курашмоқда

«Байер» таркибида ўйнаётган марказий ҳимоячи Жарелл Куанса яқин вақтларда жамоасини ўзгартириши мумкин. Бу ҳақда FootballTransfers нашри хабар бермоқда.

Манбанинг маълум қилишича, ёш англиялик ҳимоячига бир вақтнинг ўзида икки етакчи клуб – «Арсенал» ва «Манчестер Юнайтед» жиддий қизиқиш билдирмоқда. Куансанинг «Байер» билан амалдаги шартномаси 2030 йил ёзига қадар мўлжалланган. Transfermarkt портали футболчининг бозор қийматини 45 миллион евро атрофида баҳоламоқда.

Жарелл Куанса «Байер» сафига «Ливерпуль» клубидан ўтган эди. У Германия жамоаси таркибида шу кунга қадар 44 ўйинда майдонга тушиб, 4 та гол урди ва 8 та голли узатма муаллифига айланди.