“Арсенал” Виллианни миллионер қилади

“Арсенал” бразилиялик ҳужумкор футболчи Виллиан трансферини ҳал қилди ва жамоанинг янги аъзоси уч йил давомида умумий ҳисобда 35 миллион фунт ишлаб топиши мумкин бўлади.

32 ёшли футболчининг асосий маоши “Челси”да олгани билан бир хил бўлади. Лекин турли бонуслар эвазига Виллианга ҳафтасига 220 минг фунт тўланади.

Агар Виллиан шу уч йил давомида лондонликлар раҳбариятига маъқул келадиган даражада ўйнаса, шартнома муддати яна бир йилга узайтирилиб, маошига 7-10 миллион фунт атрофида бонус қўшилади.