"Арсенал" Винисиус трансфери бўйича қарор қабул қилди

«Арсенал» Винисиус Жуниорни олиш имконияти жуда камлигини тан олди. «Реал» ҳужумчиси Винисиус Жуниор билан клуб ўртасидаги амалдаги шартнома яна бир йилдан сўнг тугайди.

Манбалар хабар беришича, Лондоннинг «Арсенал» жамоасида энди бразилиялик форвардни олишга деярли умид қолмаган. Аввалроқ «канонирлар» Винисиус «Реал» билан шартномани узайтирмаса, уни эркин агент сифатида ёки бошқа шартлар асосида олиш вариантларини кўриб чиққан эди.

Инсайдерлар маълумотига кўра, ҳозир «Арсенал» раҳбарияти бу трансфер амалга ошиш эҳтимоли жуда паст деб ҳисобламоқда. Англия клубида Винисиус Жуниор «Реал» билан янги шартнома имзолашини кутмоқда.

Эслатиб ўтамиз, Винисиус Жуниор 2018 йили «Фламенго» клубидан «Реал» сафига қўшилган. Мадрид жамоаси таркибида у икки марта Чемпионлар лигаси, уч марта эса Испания чемпионлигини қўлга киритган.