"Арсенал" Винисиуснинг "Реал"да қолганига муносабат билдирди

TEAMtalk нашрининг ёзишича, “канонирлар” вингернинг молиявий талабларини қондиришга тайёр бўлган, шу мақсадда уни жамоага кўчиб ўтишга кўндириш учун бир неча бор уриниш ҳам қилинган. 

Энди эса клуб раҳбарияти ҳужумнинг чап қанотини кучайтириш учун бошқа номзодларни қидиришга эътибор қаратади.

- Албатта, бу маълум маънода нохуш ҳолат, лекин бундай натижа эҳтимолий сценарий сифатида қаралган, асосий вариант деб баҳоланмаган. У ҳеч қачон “Арсенал” учун ягона номзод бўлмаган, - дея таъкидлаган “канонирлар” вакили TEAMtalk нашрига.

Эслатиб ўтамиз, 6 август куни “Реал” клуби футболчи билан янги шартнома имзоланганини маълум қилди. Янги келишув 2032 йилгача амал қилади.