“Арсенал”дан икки марта “калтак” еган “Реал” таркибни ўзгартирадиган бўлди

Европа Чемпионлар лигасининг чорак финалидан “Арсенал”дан иккита учрашувда ҳам мағлубиятга учраган “Реал” ёзги трансферлар вақтида қайси нуқталарни кучайтириш кераклигини аниқлаб олди.

COPE нашрининг ёзишича, мадридликлар ёзда бир неча позицияга янги ижрочиларни олиб келишга қарор қилган. Хусусан, ҳимоя чизиғининг чап қанотига зудлик билан ўйинчи топиш зарур. “Қироллик клуби” бу позициясига Альфонсо Дэвисни мўлжаллаган эди. Бироқ канадалик футболчи “Бавария”да қолишни маъқул кўрди ва янги шартнома тузиб бўлди.

“Реал”га марказий ҳимоячи ҳам керак. Клуб мутасаддилари анчадан бери ҳимояни бошқара оладиган ўйинчи қидиряпти ва бир неча номзодларни ўрганиб чиқмоқда.

Испания чемпионлари режасида ярим ҳимоячи олиш масаласи ҳам бор. Аммо бу режа жамоани ҳозирги таркиб вакилларидан бирортаси сотиб юборган тақдирдагина кучга киради.

Бундан ташқари, клуб мутасаддилари “Ливерпуль”дан кетиши аниқ бўлган ўнг қанот ҳимоячиси Трент Александер-Арнольднинг трансферини охирига етказиб қўйиши талаб этилади.