Аршавин "Арсенал"нинг энг яхши ўйинчиларидан бири эди

Лондоннинг "Арсенал" клубида тўп сурган машҳур ҳужумчи Эммануэль Адебайор ушбу жамоада ўйнаган россиялик футболчи Андрей Аршавиннинг фаолияти ҳақида гапирди.

“У “Арсенал”нинг энг яхшиларидан бири бўлган. Андрей ажойиб ўйинчи эди. Унинг «Ливерпуль»га қарши ўтказган покерини ҳеч қачон унутмайман, бу ақл бовар қилмайдиган ўйинчининг ажойиб ўйини эди”, — деди тоголик собиқ футболчи.

Аршавин "канонирлар" таркибида беш мавсум ўтказган ва ушбу давр мобайнида жами 144 та ўйин ўтказиб, 21 та гол урган ва 38 та голга ассистентлик қилган.

Айни пайтда Андрей Санкт-Петербургнинг "Зенит" клуби бошқарувида фаолият олиб бормоқда.