Аршавин фаолиятидаги энг ҳаяжонли 3 та воқеани айтди

Россиялик машҳур футболчи Андрей Аршавин “Зенит” клуби матбуот хизматига берган интервьюсида фаолиятидаги энг ҳаяжонли воқеалар қайсилигини айтди.

“Фаолиятимдаги энг ҳаяжонли пайт? Менда бунақаси 3 марта бўлган. Биринчиси, “Лужники”да Англия терма жамоасини мағлубиятга учратганимда. Иккинчиси, УЕФА кубогини қўлга киритганимда. Учинчиси, “Зенит” сафида илк бор Россия чемпиони бўлганимда”, - дейди Аршавин.

Маълумот учун, Андрей Аршавин фаолияти давомида “Зенит” ва “Арсенал” каби машҳур клубларда тўп сурган. Россия терма жамоаси сафида эса 2008 йилги Европа чемпионатида бронза медалини қўлга киритган.