Аршавиннинг фаолиятидаги энг ёрқин ўйин қайси?

"Зенит", "Арсенал" клублари ва Россия терма жамоаси собиқ футболчиси Андрей Аршавиннинг фарзандлари унинг фаолиятидаги энг яхши ўйин қайси эканлигини айтди.

14 ёшли Артём, 12 ёшли Яна ва 8 ёшли Арсений “Евро-2008” чорак финалидаги Россия – Голландия (3:1) ўйинини Аршавиннинг фаолиятидаги энг зўр ўйин деб топди. Айтиш керакки, ўша баҳсда Андрей қўшимча бўлимларда гол уриб жамоасининг ғалабасини мустаҳкамлаган эди.

“У доимо ўша учрашувни фаолиятидаги энг эпик ва энг муҳим ўйини сифатида эслайди”, - деди Артём.