Артета АПЛ чемпионлигидан кейин “Арсенал”га зўр янги футболчилар танлади

“Арсенал”ни узоқ танаффусдан кейин Англия чемпионига айлантирган бош мураббий Микель Артета ёзги трансфер ойнаси учун ўз клубининг устувор вазифасини аниқлаб олди.

Артета клубнинг трансфер режасини тузишда фаол иштирок этмоқда. Молиявий фэйр-плей қоидалари туфайли “Арсенал” ўтган йилгидек 250 миллион фунт сарфлай олмайди, бироқ Микелга барибир жиддий дастак берилади.

The Guardian нашрининг хабарига кўра, Артета келаётган ёз учун Кай Хаверц ва Виктор Дьёкерешни тўлдириб турадиган ҳужумчини таклиф қилишни устувор вазифа этиб белгилаган ва “Арсенал” томонидан Хулиан Альваресга катта қизиқиш мавжуд.

Артета учун яна бир орзудаги харид Хвича Кварацхелиядир. Бироқ ПСЖ ўзининг грузиялик юлдузини қўйиб юбормайди.

Испаниялик мураббий ҳар эҳтимолга қарши ўзи кутаётган бу икки юлдузга муқобил вариантлар ҳам топиб қўйди. “Канонирлар” ана шу мақсадда, “Борнмут”дан Эли Жуниор Крупи, “Ньюкасл”дан Энтони Гордон, ПСЖдан Брадли Барколя ва “Атлетик”дан Нико Уильямс номзодини ҳам кўриб чиқмоқда.

Бундан ташқари, “Арсенал” келаси мавсум олдидан таркибда тозалаш ҳам ўтказади. Биринчи навбатда, клуб Кристиан Нёргор, Итан Нванери, Габриэль Мартинелли ва Габриэль Жезус билан хайрлашиши кутиляпти.