Артета "Барса" кутаётган ҳужумчини олиб қўймоқчи

Артета қишки трансфер ойнаси учун режасини белгилаб олди. «Арсенал» бош мураббийи Микель Артета қишки трансфер даврида «Борнмут» таркибида тўп суриб келаётган 20 ёшли француз ҳужумчиси Эли-Жуниор Крупини жамоасига қўшиб олишни режалаштирмоқда. 

Бу ҳақда The Independent нашри хабар берди.

Маълумотларга кўра, Артета бир неча ойдан бери Крупининг ўйинларини диққат билан кузатиб келмоқда. Ёш форвард Англия премьер-лигасида энг истиқболли ҳужумчилардан бири сифатида баҳоланмоқда. 

Ёзги трансфер ойнасида унга «Барселона» ҳам жиддий қизиқиш билдирган, аммо футболчи жароҳати туфайли жарроҳлик амалиётини бошдан кечиргани сабабли, бошқа клубга ўтиш масаласи амалга ошмай қолган.

Крупи 2025 йили «Лорьян» клубидан «Борнмут» сафига қўшилган. Ўтган мавсумда у премьер-лигада 33 ўйинда майдонга тушиб, 13 та гол уришга муваффақ бўлди.