Артета клубнинг трансфер режалари ҳақида гапирди

Хабарингиз бор, 1 январдан бошлаб бир неча топ лигаларда қишки трансфер ойнаси очилди. "Арсенал" бош мураббийи Микель Артета клубнинг трансферлари ҳақида гапирди.

- Ҳозирча биз мавжуд ўйинчиларимизга эътибор қаратмоқдамиз. Агар клубнинг молиявий режаларига ва  жамоага сезиларли таъсир кўрсатадиган футболчи пайдо бўлса, биз доимо бундай имкониятдан фойдаланишимиз керак. Айни пайтда биз ўзимиздаги ўйинчиларга эътибор қаратмоқдамиз.

Жамоадаги барча футболчилар ўз ўйинига ва жамоага қўшадиган ҳиссасига эътибор қаратмоқда. Агар бирор нарса юз берса, бунга изоҳ берамиз, - дея испаниялик мутахассис сўзларини келтирди "BBC".

Эслатиб ўтамиз, мазкур трансферлар ойнаси 31 январга қадар давом этади.