Артета мухлислардан узр сўради: "Ўз даражамизни кўрсата олмадик"

Англия чемпионати 32-туридан ўрин олган баҳсда Лондоннинг "Арсенал" жамоаси ўз майдонида "Борнмут"га 1:2 ҳисобида кутилмаган тарзда мағлуб бўлди. Ушбу натижа чемпионлик пойгасида интригани янада кучайтирди.

Учрашувдан кейин "канонирлар" бош мураббийи Микель Артета жамоа ўйинидан қаттиқ норози эканини яширмади ва мухлисларга мурожаат қилди.

"Бу ўйинда биз ўз даражамизни кўрсата олмадик. Мухлисларнинг қўллаб-қувватловига муносиб жавоб беришимиз керак эди. Мухлислардан узр сўрашимиз ва албатта кучайишимиз шарт", — деди испаниялик мутахассис.

Мазкур мағлубиятга қарамай, Лондон клуби 70 очко билан Англия Премьер-лигаси жадвалида пешқадам бўлиб қолмоқда. Бироқ иккинчи ўриндаги "Манчестер Сити" фарқни қисқартириш имкониятига эга: айни пайтда уларнинг орқада қолиши 9 очко, шу билан бирга захирада икки ўйини ҳам бор.