Артета “Реал”нинг ҳеч ким танимайдиган футболчисини олади

“Реал”нинг иккинчи жамоасида ўйнаб келаётган маркзий ҳимоячи Виктор Вальдепеньяс фаолиятини Англия Премьер-лигасида давом эттириш имкониятига эга бўлди.

Transfer News Live ва Express нашрларининг маълум қилишича, ҳали номи ёйилмаган 18 ёшли футболчига “Арсенал” жиддий қизиқиш билдирмоқда.

Испаниялик иқтидор эгаси ҳали “Реал”нинг асосий жамоасида дебют қилгани йўқ. Унинг амалдаги шартномаси 2029 йилнинг ярмигача давом этиши белгиланган.

Виктор Вальдепеньяс марказий ҳимоячи бўлганига қарамай, чап қанотда ҳам ишончли ўйнай олади. Transfermarkt  портали экспертлари унинг трансфер суммасини 500 минг еврога баҳолаган.