Артетанинг тоқати тоқ бўлган!

"Арсенал" бош мураббийи Микель Артета "Ньюкасл"га қарши аламли мағлубиятдан сўнг ўз фикрларини билдириб ўтди.

"Ньюкасл" ҳар жабҳада ғалабага ҳақли ўйин кўрсатди! Биз баҳсда ҳеч нима қила олмадик. Жароҳатлар сабаб мажбурий ўзгаришлар бўлганини ҳам айтишим мумкин. Бироқ бу баҳона бўла олмайди, улар кеча биздан кучлироқ эди.  

Нималарнидир ўзгартиришга ҳаракат қилдик. Аммо буни эплай олмадик. Ўтказиб юборилган голлар ўта ачинарли хатолар сабаб юзага келди. 

"Ньюкасл" 10 марта яхшироқ эди ва биз бунақа ўйинимиз билан чемпионлар лигаси ҳақида ҳаёл суришимизга ҳали эрта! Бу жуда аламли мағлубият бўлди.

Биз "Эвертон"ни ҳар қанақасига мағлуб этишимиз керак. Шунингдек, "Норвич"нинг "Тоттенхэм"ни таслим этишини ҳам кутиб қоламиз", - деди испаниялик мутахассис.