Артур Бетербиев ва Дмитрий Бивол трилогияси Саудия Арабистонида бўлиб ўтмайди!

Дмитрий Бивол (24-1, 12 КО)  ва Артур Бетербиев (21-1, 20 КО) трилогияси Россияда бўлиб ўтиши мумкин. Таниқли журналист Майк Коппингер ижтимоий тармоқларда жанг атрофидаги вазиятни қуйидагича изоҳлади:

"Бивол ва Бетербиев ўртасидаги учинчи тўқнашув ноябрь ойида, Саудия Арабистонида ўтказилиши режалаштирилганди. Бироқ боксчилар Турки Ал ашь-Шейхдан беллашувни бошқа ташкилотчилар билан бирга Россияга кўчиришни сўради. У эса мазкур ғояни маъқуллади. Ҳозирча ушбу қарама-қаршилик қачон ўтказилиши номаълум."

Эслатиб ўтамиз, россиялик боксчилар ўртасидаги дастлабки икки баҳс Ар-Риёдда бўлиб ўтган.