Artur EChLda "Barselona"ga yordam bermoqchi emas

"Barselona" klubi avgustda davom ettiriladigan Chempionlar ligasida “Yuventus”ga sotib yuborgan yarim himoyachisi Artur Ramosning xizmatlaridan foydalana olmaydi. Bu haqda Mundo Deportivo nashri xabar bermoqda.

Yuqoridagi manbaga ko‘ra, 23 yoshli braziliyalik futbolchi “ko‘k-anor ranglilar”ni ogohlantirmasdan o‘z yurtiga jo‘nab ketgan va Kataloniyaga qaytmoqchi emas. U Evropaga qaytgach, to‘ppa-to‘g‘ri Turinga yo‘l olmoqchi. “Barselona” esa uning bu harakatlarini jazolamoqchi.

Eslatib o‘tamiz, “Barselona” 8 avgust kuni EChL 1/8 final javob bahsida “Napoli”ga qarshi maydonga tushadi. Ushbu jamoalar o‘rtasidagi Neapolda bo‘lib o‘tgan dastlabki o‘yin 1:1 hisobida durang bilan yakunlangan edi.