Асадхўжа Мўйдинхўжаев 14 апрель куни жанг қилади. Рақиб маълум!
Ahmadbek Eshmatov
У Тошкентда рингга кўтарилади.
Хабарингиз бор, 14 апрель куни Тошкентда катта бокс оқшоми бўлиб ўтади. “IBA чемпионлар оқшоми”нинг марказий жангида Ҳасанбой Дўсматов испаниялик Самуэль Кармонага қарши жанг қилади.
Шунингдек, Ўзбекистон терма жамоаси, Жаҳон терма жамоасига қарши рингга кўтарилади.
Ҳозирга келиб, боксчиларимизнинг рақибларига ойдинлик киритилмоқда. Жумладан, Париж Олимпиадасига йўлланмани нақд қилган Асадхўжа Мўйдинхўжаев ҳам ушбу кечада 67 кг вазнда рингга кўтарилади. Боксчимизнинг бизга маълум қилишича унга туркиялик Фатих Келес рақиблик қиладиган бўлди.
Қолган боксчиларимизнинг рақибларини ҳам тез орада эътиборингизга ҳавола этамиз. Воқеалар ривожини бизда кузатиб боринг!
Изоҳлар (0)