Асенсио "Реал"дан кетишни ўйламоқда

Мадриднинг "Реал" клуби яқин кунларда испаниялик ярим ҳимоячи Марко Асенсио билан учрашув ўтказади. Бундан кўзланган мақсад испаниялик футболчининг пойтахт клубидаги келажагини муҳокама қилиш бўлади. Бу ҳақда Mundo Deportivo нашри хабар берди.

Марконинг Мадрид клуби билан шартномаси 2023 йилнинг июнида якунига етади. У ортда қолган ойлар давомида асосий таркибга киришда муаммоларга дуч келди.

Бироқ шунга қарамай клуб 26 ёшли футболчига янги шартнома таклиф қилиш ниятида бўлиб турибди. Асенсионинг эса мақсадлари бошқача, у кўпроқ ўйин амалиётига эга бўлишни хоҳлагани сабабли жамоани тарк этишни ўйламоқда.

Икки орадаги музокаралар жаҳон чемпионатидан сўнг бошланади. Эслатиб ўтамиз, Асенсио ЖЧ давомида Испания сафида 4 та ўйинда майдонга тушиб, ўз ҳисобига битта голни ёздириб қўйди.