Асрор Алиқулов фаолиятини қаерда давом эттириши маълум

Про-лига иштирокчиси - Ғузорнинг “Шўртан” жамоаси ҳозирча янги мавсум учун тайёргарликни бошлагани йўқ. Бир қатор масалалар бўйича ечим топилиши кутилмоқда.

Клубда аввало, бош мураббий масаласи кўндаланг турганди. Боиси, ўтган йили “Шўртан”да бош мураббий бўлиб ишлаган Асрор Алиқуловнинг шартномаси якунига етгани сабабли, ушбу вазият очиқ турганди.

Аммо жамоа раҳбарияти янги мавсумда ҳам яна Асрор Чориевич билан ҳамкорлик қилиш истагини билдирган. Натижада, Алиқулов “Шўртан”даги фаолиятини давом эттиришга розилик берган. Тез орада янги мавсум учун тайёргарлик режаси ойдинлашади.