"Астон Вилла" - "Тоттенхэм": Матнли трансляция

Ассалому алайкум, мухтарам футбол ихлосмандлари! Англия Премьер-лигаси 18-туридан ўрин олган қолдирилган ўйин бўлиб ўтади. Ушбу "Астон Вилла" - "Тоттенхэм" учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+2'

  Ўйин асабий руҳда давом этмоқда. Бу сафар Мэтт Таргет жазоланди.

• 90'
  

  Ўйиннинг асосий вақтига 4 дақиқа қўшиб берилди.

• 88'

  Бергвейн рейд уюштирмоқчи бўлди. Аммо ҳимоячилар уни тўхтатди.

• 86'
  

  Футболчилар асабларини жиловлаб олиши лозим. Бу сафар  МакГинга сариқ карточка кўрсатилди.

• 84'
  

  Рақибига нисбатан қоида бузган Карлос Винисиус огоҳлантирилди.

• 82'
  

  Танги Ндомбеле ўз ўрнини Мусса Сиссокога бўшатиб берди.

• 79'
  

  Хьёйбергнинг зарбасидан кейин Мартинес тўпни қайтарди.

• 76'

  Бен Дэвиснинг жамоадошлари томон оширган тўпи рақиб томонидан олиб қўйилди.

• 74'
  

  Рақибига нисбатан қоида бузган Мэтти Кэшга сариқ карточка кўрсатилди.

• 71'

  Стивен Бергвейннинг узатмаси мўлжалга аниқ бормади.

• 68'
  

  ГОООООООООООООООООООООООООООООЛ! Учрашувда ҳисоб ўзгарди!

  Нуқта қаршисига келган Харри Кейн жамоасининг иккинчи голига муаллифлик қилди.

• 67'
  

  Ўз жарима майдони ичида Мэтти Кэш қўполлик ишлатди. Лондонликлар пенальтига эга бўлди.

• 66'
  

  "Тоттенхэм" сафида Ло Чельсо ўрнига Бергвейн майдонга тушди. Шунингдек, мезбонлар таркибида Росс Баркли Морган Сансонни алмаштирди.

• 64'
  

  Жованни Ло Чельсога сариқ карточка кўрсатилди.

• 61'
  

  Бертран Траоре ўрнига Анвар Эль-Гази майдонга тушди.

• 58'

  Ўйин меҳмонларнинг устунлиги остида давом этмоқда.

• 56'
  

  Регилон ўйинни давом эттира олмади. Унинг ўрнига Бен Дэвис майдонга тушади.

• 53'
  

  Рақиби билан тўқнашиб кетган Регилонга тиббий ёрдам керак.

• 52'

  Жарима майдонига ёриб кирган Моура пас беришда адашди.

• 50'
  

  "Тоттенхэм" бурчак зарбасидан наф чиқара олмади.

• 48'

  Кейннинг зарбасидан кейин тўп устун ёнгинасидан ўтиб кетди.

• 46'
  

  Иккинчи тайм бошланди!

• 46'

  Футболчилар майдонга қайтмоқда. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 44'

  Тайм сўнгини меҳмонлар фаолроқ ўтказмоқда

• 42'
  

  Ндомбеленинг жарима майдони ташқарисидан йўллаган зарбасига аниқлик етишмади.

• 41'

  Моуриньо шогирдлари бурчакдан тўпни ўйинга киритиб бериш имкониятини қўлга киритди.

• 38'

  Гол ўтказиб юборган мезбонлар фаолликни тўхтатмаяпти.

• 36'

  Винисиуснинг жарима майдони ичидан йўллаган зарбаси йўлига ҳимоячи блок қўйишга муваффақ бўлди

• 34'

  Бирмингемликлар жарима майдонига яқин ҳудудда стандарт вазитяга эга бўлди.

• 32'
  

  Жарима майдонига етказиб берилган тўпни Лукас Моура қайтариб юборди. Бугун бразилиялик футболчи анча фаол.

• 31'

  Мезбонлар жавоб тариқасида яхши ҳужум уюштирди ва бурчак зарбасига эга бўлди.

• 29'
  

  ГОООООООООООООООООООООООЛ! Меҳмонлар ҳисобни очди!

  Лукас Моуранинг узатмасидан кейин бўш қолган дарвоза қаршисида қолган Винисиус ҳисобни очди.

• 26'

  "Шпорлар" ўз назоратини қўлга ола бошлади.

• 24'

  Бу сафар Карлос Винисиус ҳамда Эзри Конса ўзаро тортишиб кетди. Вазиятга ҳакам аралашди.

• 22'
  

  Олли Уоткинс воқеалар ривожидан илгарилаб кетди.

• 20'

  Футболчилар асабларини жиловлаб олиши зарур. Ортиқча қўполликлар бироз кўпайиб кетди.

• 17'
  

  Карлос Винисиус ўйиндан ташқари ҳолатда қолиб кетди. Ҳакам хуштагини чалди.

• 15'

  Ҳозирча, ҳар икки жамоа мудофаада ишончли ҳаракат қиляпти.

• 12'
  

  "Тоттенхэм" футболчилари бурчак зарбасидан наф чиқара олмади.

• 11'

  Серхио Регилоннинг узатмасидан кейин тўпни бирмингемликлар узоқлаштирди.

• 8'

  Мэтт Таргетт ижро этган стандарт вазиятни ҳимоячилар бартараф этди.

• 5'

  "Шпорлар" тўпни назорат қилмоқда. Рақиб прессинг уюштиряпти.

• 3'
  

  Рақиби билан тўқнашиб кетган Танги Ндомбелега тиббий ёрдам керакка ўхшайди.

• 1'
  

  Ўйин бошланди!