"Астон Вилла" шайхлар таклифини рад этди

«Астон Вилла» саудиялик «Ал-Аҳли» клубининг ҳужумчи Олли Уоткинс учун таклиф этган 45 миллион евро миқдоридаги таклифини рад этди. Бу ҳақда Daily Mail Sport хабар бермоқда.

Манба маълумотига кўра, футболчининг ўзи Саудия Арабистонига ўтишга қарши эмас. Шу билан бирга, бир неча мавсумдан буён унга таянаётган бирлашма раҳбарияти Уоткинсни жамоада сақлаб қолиш ниятида. «Астон Вилла» сўнгги таклифни қабул қилмади, аммо яқин кунларда «Ал-Аҳли» яна янги таклиф йўллаши кутилмоқда.

Олли Уоткинс 2020 йилдан буён «Астон Вилла» шарафини ҳимоя қилиб келмоқда. Ўтган мавсумда 30 ёшли ҳужумчи барча мусобақаларни ҳисобга олган ҳолда 55 ўйинда майдонга тушиб, 21 марта рақиб дарвозасини ишғол этди ва 5 бор голли пас муаллифига айланди.

Англиялик футболчининг «Астон Вилла» билан амалдаги шартномаси 2028 йилнинг ўрталаригача мўлжалланган.