"Atalanta" etakchisi uchun "Milan" va "Latsio" kurash boshladi

"Atalanta" yarim himoyachisi Yosip Ilichich faoliyatini Italiyaning boshqa biri grand klubida davom ettirishi mumkin.

Football Italia nashri tarqatgan xabarga qaraganda, 33 yoshli sloveniyalik futbolchi uchun "Milan" va "Latsio" o‘zaro kurash boshlagan. Bergamoliklar etakchi futbolchilaridan biri hisoblangan Yosipning transferini 10 million evroga baholamoqda.

Ilichich joriy mavsum "Atalanta" safida jami 38 ta o‘yinda maydonga tushdi. U ushbu uchrashuvlarda o‘z hisobiga 7 ta gol hamda 11 ta golli uzatma yozdirib qo‘ydi.

“Atalanta” A Seriyada mavsumni 3-o‘rinda yakunladi. “Milan” esa 2-o‘rindan, “Latsio” 6-o‘rindan joy oldi.