"Атлетик Бильбао" - Испания кубоги соҳиби!

Испания кубоги финалида "Атлетик" ва "Мальорка" клублари ўзаро тўқнаш келди. 120 дақиқа давом этган ўйинда басклар ғалаба қозонди. 

Ўйинда ҳисобни Родригес очди, 50-дақиқада эса Сансет фарқни йўққа чиқарди. Шундан кейин дарвозалар ишғол қилинмади ва пенальтилар сериясига мурожаат қилинди. Унда 4:2 ҳисоби билан Вальверде шогирдларининг қўли баланд келди. 

Шу тариқа, "Атлетик" ўз тарихида 25-бор ушбу совринни қўлга киритмоқда. Мазкур турнирда клубдан фақатгина "Барселона" кўпроқ зафар қучган (31).