Шотландиядаги юлдузга Ўзбекистон учун ўйнаш таклиф қилинди

Қозоғистон терма жамоаси ва Шотландиянинг "Хартс" клуби ярим ҳимоячиси Ислом Чесноковнинг келажаги борасида қизғин муҳокамалар давом этмоқда. 

Sports.kz нашри ёзишича, спорт журналисти Александр Троицкий футболчини Ўзбекистон чемпионатига таклиф этиш ғоясини илгари сурди.

- Россияликлар нима режа қиляпти ўзи? Ёки умуман Исломни "Пахтакор" ёки "Нефтчи"га олиб келиб, ОФК Чемпионлар Лигасининг элита босқичига тайёрлаш керакми?, — деб ёзади журналист ўз телеграм-каналида.

Шу билан бирга, Троицкийнинг фикрича, Чесноков учун энг мақбул йўл — Европада қолиш.

- Амалда энг яхши вариант — Европада қолиш. Менимча, шундай бўлади ҳам. Ҳатто айтаманки, у "Хартс"да қолади, чунки у ерда барча жиҳатдан жамоага жуда мос тушяпти», — дея таъкидлайди журналист.

Эслатиб ўтамиз, Ислом Чесноков расман 2026 йил 1 январь куни шотландияликлар сафига ўтган эди. У "Тобол" билан шартномаси тугагач, эркин агент сифатида "Хартс"га қўшилди ва 2028 йил ёзигача мўлжалланган шартнома имзолади. 

Бу трансфер тарихий деб баҳоланган — Ислом Чесноков Шотландия чемпионатида ўйнаётган илк қозоғистонлик футболчига айланди.

Европага кетиш учун футболчи молиявий жиҳатдан ҳам имтиёзга борди: Эдинбургдаги ойлик маоши тахминан 8 миллион тенгени ташкил этади. Шотландияда тўп суриш вақтида Чесноковнинг бозор қиймати 1,20 миллион евро атрофида баҳоланган.

Бироқ орадан ярим йил ўтиб, унинг "Хартс"дан кетиши мумкинлиги ҳақида хабарлар пайдо бўлди. Манбаларга кўра, футболчи мослашиш жараёнида қийинчиликларга дуч келган. Клуб эса тушган таклифларни кўриб чиқишга тайёр. 

Чесноковга Россиянинг "Крилья Советов" клуби, шунингдек,  Қозоғистон Премьер-лигасидан "Ордабаси" ва ўзининг собиқ жамоаси "Тобол"дан жиддий қизиқиш борлиги айтилмоқда.

Ўзбекистон бўйича жиддий хулоса қилишга ҳали эрта!

Испанияда ўйнаган юлдуз Ўзбекистонни плей-оффда кутяпти

Ҳушёр бўлинг, Ўзбекистоннинг икки устуни бор!

Бу тасодиф эмас! Ўзбекистонга қандай баҳо берилди?

Ўзбекистон — Колумбия ўйини бошланмай туриб, мундиалда мутлақ рекорд ўрнатди

АҚШ нега айнан Ўзбекистон терма жамоасини қаттиқ текширди?

Шомуродов бўйича расмий музокара бошланди. “Башакшеҳир” қанча сўраяпти?