"Атлетико" - "Атлетик": Ўйинда ҳисоб очилди! (матлни трансляция)

Ассалому алайкум, қадрли футбол ихлосмандлари! Испания Ла Лигаси 18-туридан ўрин олган "Атлетико" Мадрид - "Атлетик" Бильбао учрашувига хуш келибсиз. Ўйинни сайтимиз орқали матнли кўринишда кузатиб боринг. Матнли трансляцияни Абдулла Маннонов олиб боради.

• 90+4'
  

  Учрашув якунланди! "Атлетико" қолдирилган ўйинда иродали ғалабага эришиб, муҳим 3 очкони қўлга киритди. Матнли трансляцияда сиз билан Абдулла Маннонов бирга бўлди. Эътиборингиз учун раҳмат!

• 90+4'
  

  Лоди сариқ карточка билан огоҳлантирилди.

• 90+1'
  

  "Атлетик" бурчак тўпидан унумли фойдалана олмади.

• 90+'
  

  Учрашув асосий вақтига 4 дақиқа вақт қўшиб берилди.

• 89'
  

  Карраско ўрнига Лоди ўйинни давом эттиради.

• 89'
  

  Льоренте ўрнига Кондогбиа ўйинни давом эттиради.

• 86'

  Беренгернинг узатмаси ҳимоячилар томонидан қайтарилди.

• 83'
  

  "Атлетик" бурчак зарбасидан унумли фойдалана олмади. Мадридликлар қарши ҳужумда.

• 82'
  

  Марселино Гарсия Тораль яна бир ўзгаришни амалга оширди: Икер Муниаин ўрнига Хон Морсильо ўйинга қўшилди.

• 81'
  

  Бильбаоликларда ўзгариш: Оскар де Маркос ўрнига Андер Капа ўйинга қўшилди.

• 78'
  

  "Атлетико" бурчак тўпидан сўнг хавфли вазият ярата олмади. Қарши ҳужум.

• 75'
  

  Рауль Гарсия ўрнига Вильялибре майдонга тушди.

• 74'
  

  "Атлетик"да ҳам ўзгариш: Унаи Лопес ўрнига Унаи Энседор ўйинга қўшилади.

• 72'
  

  Ўзгариш: Суарез майдонни тарк этиб, ўрнига Торрейра ўйинни давом эттиради.

• 71'
  

  "Атлетико" бурчакдан тўпни ўйинга киритди, бироқ хавфли вазият юзага келмади.

• 68'
  

  Симеоне ўзгаришларни ишга солади: Лемар ўрнига Сауль ўйинга қўшилади.

• 67'
  

  "Атлетико"да ўзгариш: Жоау Фелиш ўрнига Анхел Корреа ўйинг қўшилди.

• 64'

  Карраско яхши ўйнади. Рақибни тўпсизлантирди.

• 62'

  Зарбалар сони 4-1!

• 59'
  

  Ўзгариш: Микель Весга ўрнига Дани Гарсия ўйинга қўшилади.

• 55'

  Оскар де Маркоснинг узатмаси ҳимоячилар томонидан узоқлаштирилди.

• 54'
  

  "Атлетик" бурчакдан тўпни ўйинга киритиб беради.

• 51'
  

  ГООООООООООООООООЛЛЛ!!! Луис Суарез пеналтидан аниқ фойдаланди ва жамоасини ҳисобда олдинга олиб чиқди. 2-1!

• 50'
  

  Пенальти! Унаи Симон жарима майдончаси ичида қўполлик қилди ва бош ҳакам нуқтани кўрсатди. Суарез уни ижро этади.

• 49'

  Тома Лемар жарима майдончаси ичига тўпни узатди, ҳимоячилар фаол.

• 48'
  

  Луис Суарез офсайдда қолиб кетди.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+2'
  

  Биринчи бўлим якунланди! Танаффус.

• 45+1'
  

  ГООООООООООООООООЛЛЛ!!! Лемарнинг ажойиб узатмасидан сўнг Маркос Льоренте сўнгги дақиқада гол уриб ҳисобни тенглаштирди! 1-1!

• 45+'
  

  Бош ҳакам биринчи бўлимга 1 дақиқа вақт қўшиб берди.

• 44'

  "Атлетик" ўнг қанотдан жарима тўпи тепади.

• 43'
  

  Фелипе ҳакамга эътироз билдириш жараёнида қўполлик қилди ва сариқ карточка билан огоҳлантирилди.

• 42'
  

  "Атлетик" футболчиси Микель Весга қўпол ҳаракати учун сариқ карточка билан огоҳлантирилди.

• 41'

  Рауль Гарсия иккинчи қаватдаги тўп учун курашда ғолиб чиқди ва тўпни узоқлаштирди.

• 40'
  

  "Атлетико" тезкорлик билан бурчакдан тўпни ўйинга киритиб беради.

• 40'

  Маркос Льоренте ҳужумда фол қайд этди. Бош ҳакам Хесус Хиль Монсано ҳуштагини чалиб, жарима зарбаси белгилади.

• 38'
  

  Оскар де Маркос қўполлиги учун сариқ карточка билан огоҳлантирилди.

• 37'
  

  "Атлетико" бурчакдан тўпни ўйинга киритиб берди.

• 35'

  Янник Карраско узоқ масофадан дарвозанинг пастги бурчагига зарба берди! Дарвозабон уни бурчакка чиқариб юборди.

• 34'

  Маркос Льоренте ҳимоячиларни алдаб ўта олмади. Тўп йўқотилди.

• 33'

  Иньяки Уильямс жарима майдончаси ичига тўпни узатди, бироқ ҳимоячилар хатосиз ўйнади.

• 29'

  "Атлетик" футболчилари чиройли ҳужумлар ташкил этмоқда. Узатмалар сони кўп ва аниқ.

• 26'
  

  Киран Триппьер учрашувда 2-бор офсайдда қолиб кетди.

• 25'

  Тўп назорати мадридликлар фойдасига. Бироқ бу назорат жуда юқори эмас. 54-46! Бильбаоликлар ҳам ажойиб ўйин кўрсатишмоқда.

• 22'
  

  ГООООООООООООООООООЛЛЛ!!! Иньяки Уильямснинг узатмасидан сўнг Икер Муниаин тўпни дарвозага михлаб қўйди! Ҳисоб очилди дўстлар! 0-1!

• 20'

  Рауль Гарсиянинг узатмасини яна бир бор ҳимоячилар узоқлаштирди.

• 18'
  

  Бурчакдан тўп ўйинга киритиб берилади.

• 17'

  Икер Муниаин жарима майдончаси ичига ўнг қанотдан узатма амалга оширди, ҳимоячилар тўпни ташқарига чиқариб юборди.

• 15'

  Алехандро Беренгер қўл билан ўйнади. Жарима тўпи.

• 14'

  Рауль Гарсия жарима майдончаси ичига хавфли узатма амалга оширди, ҳимоячилар боши билан тўпни узоқлаштирди.

• 11'
  

  Киран Триппьер офсайдда қолиб кетди.

• 9'

  Эрмосонинг саъй-ҳаракатлари ҳимоячиларнинг фаоллиги туфайли амалга ошмади.

• 7'

  Жоау Фелиш жарима майдончаси ичига тўпни узатмоқчи эди, бироқ ҳимоячилар узатмани блоклади.

• 6'

  Луис Суарес ҳужумда фол қайд этди ва "Атлетико"нинг ҳужуми якунланди.

• 5'
  

  Тома Лемар бурчакдан тўпни ўйинга киритиб беради.

• 4'

  "Атлетико" футболчилари кўплаб майда паслар билан ўйинни давом эттирмоқда. Ҳужум дарвозага қадар бормаяпти.

• 2'

  "Атлетик" ҳужумчиси Рауль Гарсиянинг узатмаси у қадар омадли чиқмади. Рақиб ҳимоячиларидан бири тўпни узоқлаштирди.

• 1'
  

  Ўйин бошланди!