"Атлетико" етакчилари сафга қайтди

"Атлетико" Мадрид клуби форварди Жоау Фелиш жароҳатидан соғайиб, умумий гуруҳ машғулотларига қўшилди.

Клуб расмий сайти тарқатган хабарга кўра таркибга шунингдек Эктор Эррера ва Кевин Триппьерлар ҳам қўшилишган.

Эслатиб ўтамиз, Фелиш жароҳат сабаб “Атлетико”нинг сўнгги 4 та ўйинини ўтказиб юборди. Бироқ, у катта эҳтимол билан келаётган "Вильярреал"га қарши ўйинда майдонга тушади.

Маълумот учун, 20 ёшли Фелиш жорий мавсум Ла Лигада 17 та ўйинда майдонга тушди ва 2 та гол ҳамда 1 та голли узатма ёздириб қўйишга эришди.