"Атлетико" етакчиларидан бири сафга қайтди

"Атлетико" ҳужумчиси Жоау Фелиш коронавирусдан соғайди. Бу ҳақда Marca нашри хабар бермоқда.

Таъкидлаш керакки, португалиялик футболчида 3 февраль куни COVID-19 аниқланган эди. Шундан сўнг, "матрасчилар"нинг бир қатор футболчиларида ушбу инфекция аниқланди.

Агар унинг жисмоний ҳолати мураббийлар томонидан ижобий баҳоланса, 17 февраль куни “Леванте”га қарши бўладиган баҳсда иштирок этиши мумкин.

Фелиш жорий мавсум “Атлетико” сафида 25 та ўйинда майдонга тушди ва 9 та гол ҳамда 4 та голли узатмага муаллифлик қилди.