"Атлетико" етакчиси сафга қайтди

"Атлетико" ҳужумчиси Жоау Фелиш жароҳатидан тикланиб, сафга қайтди. Бу ҳақда Испаниянинг "Marca" нашри ёзмоқда. 

Манбанинг хабарига кўра, португалиялик футболчи бугун умумий гуруҳ мушғулотларида иштирок этган. Жоау Ла Лига доирасидаги "Мальорка"га қарши ўйинда майдонга тушишга тайёр. 

Эслатиб ўтамиз, "Атлетико" - "Мальорка" баҳси 4 декабрь куни Тошкент вақти билан 22:30да старт олади. Жорий мавсум 22 ёшли форвард 7та ўйинда майдонга тушиб, битта гол урган ҳамда шунча голга ассистентлик қилган.