"Атлетико" Феликс ўрнига қайси ҳужумчини олиб келмоқчи?

Мадриднинг "Атлетико" клуби ҳужумчилар - Маркус Тюрам (“Боруссия М”) ва Энес Уналга (“Хетафе”) қизиқиш билдирмоқда.

Fichajes’нинг сўзларига кўра, “матрасчилар” қишки трансфер ойнасида жамоадан кетишни режалаштирган португалиялик ҳужумчи Жоау Феликс ўрнига юқоридаги футболчилардан бири билан шартнома имзоламоқчи.

Тюрам жорий мавсум “Боруссия” сафида жами 17 та ўйинда майдонга тушиб, 13 та гол урди ва 4 та голли узатмани амалга оширди. Унинг трансфер нархи 32 миллион еврога баҳоланмоқда.

Унал эса бу мавсум “Хетафе” таркибида 16 та ўйинда майдонга тушиб, 5 та гол урди ва 3 та голли узатмани амалга оширди. Турк футболчисининг трансфер нархи 25 миллионга баҳоланмоқда.