"Атлетико" футболчиси "Арсенал"га ўтишга яқин турибди

"Атлетико" Мадрид клуби ярим ҳимоячиси Томас Партей фаолиятини "Арсенал"да давом эттириши мумкин.

Footballghana нашри тарқатган хабарга кўра, "канонирлар" 27 ёшли ганалик футболчи учун унинг шартномасида кўрсатилган 50 миллион евролик товон пулини тўлаб беришга тайёр.

Таъкидлаш керакки, Партейга “Арсенал”дан ташқари "Ливерпуль", ПСЖ ва "Ювентус" ҳам қизиқмоқда. У жорий мавсум 39 та ўйинда майдонга тушди ва 3 та гол ҳамда 1 та голли узатма ёздириб қўйишга эришди.