"Атлетико" ҳимоячисига Бундеслига грандидан таклифлар бўлмоқда

Мадриднинг "Атлетико" клуби ҳимоячиси Филипе Луис фаолиятини Бундеслигада давом эттириши мумкин.

Globo Esporte нашри тарқатган хабарга кўра 33 ёшли бразилиялик футболчига "Боруссия" Дортмунддан жиддий қизиқишлар пайдо бўла бошлаган. Немис гранди аллақачон ушбу трансфер масаласида “матрасчилар” билан музокараларни бошлаб юборишган.

Маълумот учун, Филипе Луис жорий мавсум Ла Лигада жами 19та ўйинда иштирок этди ва ўз ҳисобига 2та гол ҳамда 2та голли узатма ёздириб қўйишга эришди.