"Атлетико" "Наполи" ҳужумчиси учун курашга қўшилди

Мексикалик футболчи Ирвинг Лосано неаполликлар сафида ўзининг тўлақонли кучини намойиш этолмаяпти. Бунга сабаб сифатида Гаттузо томонидан футболчига кам ўйин амалиёти берилаётгани кўрсатилмоқда. 24 ёшли ҳужумчининг хизматларига АПЛ клубларидан "Вест Хем" ва "Эвертон" қизиқиш билдирмоқда.

Эслатиб ўтамиз, Лосано "Наполи" таркибига ўтган ёзда ПСВ дан келиб қўшилганди. Футболчи жорий мавсум барча мусобақаларда 23 та учрашувда майдонга тушиб, 3 та гол ва 1 та ассистни ўз ҳисобига ёздириб қўйган.