"Атлетико" ўз тарихидаги энг қиммат футболчини "Манчестер Сити"га сотади. Сабаби...

"Бенфика" ҳужумчиси Дарвин Нуньеснинг келажаги ноаниқлигича қолмоқда.

Португалиянинг O Jogo нашрига кўра, “Ньюкасл” январь ойида 22 ёшли уругвайлик футболчи учун 60 миллион еврогача пул тўлашга тайёр. Аммо лиссабонликлар шошмаяпти ва мавсум охиригача кутмоқчи.

Клуб раҳбариятининг фикрича, "Атлетико" Нунеснинг трансфери бўйича жиддий таклиф билан чиқиши мумкин, аммо бунинг учун Мадрид клубига катта пул керак.

Юқоридаги манбага кўра, "Атлетико" бунинг учун португалиялик ярим ҳимоячиси Жоау Феликсни "Манчестер Сити"га сотиши мумкин, бироқ бу вариант фақат ёзги трансфер ойнасида амалга оширилиши мумкин. Ушбу трансфердан тушадиган маблағ тўғридан-тўғри Нуньеснинг трансферига йўналтирилади.