"Атлетико" президенти: Гризманн жамоадан кетиб хато қилмоқда

"Атлетико" Мадрид клуби президенти Энрике Сересо сўзларига кўра франциялик ҳужумчи Антуан Гризманн​ “матрасчилар” сафидан кетиб хато қилмоқда.

“Антуан жамоамизда 5 йил ўйнади ва шунчаки ажойиб ҳаракат қилди. Унинг келажаги ҳақида гапирсак, мен унинг қаерга кетишини билмайман. “Барселона”дан ҳеч ким мен билан боғланмади. Аввал Гризманн жамоадан кетмаслиги ҳақида ишонч билан гапира олардим, аммо ҳозир бундай эмас. Мен шахсан “Атлетико”дан кетиш нотўғри қарор деб ўйлайман. Лекин Гризманн бошқача ўйлади”, - дейди Сересо.

Эслатиб ўтамиз, бундан аввалроқ Гризманнга ПСЖ ва “Барселона” клубларидан қизиқишлар бўлаётгани ҳақида хабарлар тарқалган эди.