"Атлетико" "Реал"га учта гол урган футболчини харид қилмоқчи

"Валенсия" ярим ҳимоячиси Карлос Солер фаолиятини Мадрид клубида давом эттириши мумкин, дея хабар бермоқда As нашри.

Футболчининг хизматларига "Атлетико" бош мураббийи Диего Симеоненинг шахсан ўзи қизиқиш билдирмоқда. У Солерни клуб ғояларига мос келади, деб ҳисобламоқда.

Жорий мавсумда 23 ёшли футболчи Ла Лигада 7 та ўйинда 4 та гол уришни уддалади. Хавбек "Реал" дарвозасини битта ўйинда уч маротаба ишғол қилган эди.