"Атлетико" Робертсон учун курашга қайтди

"Ливерпуль" ҳимоячиси Эндрю Робертсон жорий мавсум якунида эркин агентга айланади.

Маълумки, шотландиялик футболчининг тугаётган шартномаси узайтирилмайди. Аввалроқ 32 ёшли ҳимоячининг асосий даъвогари сифатида "Тоттенxэм" кўрилаётганди, аммо жамоа Чемпионшипга тушиб кетса, бу трансфер амалга ошмаслиги мумкин.

"Transfer News Live" "Daily Record" манбасига таяниб хабар беришича, "Атлетико" Робертсонга бўлган қизиқишни яна тиклаган. "Матрасчилар" бир неча ой аввал ҳам футболчига даъвогарлар қаторидан жой олганди.

Эндрю Робертсон 2017 йилдан буён "Ливерпуль" шарафини ҳимоя қилиб келмоқда. У жорий мавсумда 34 учрашувда қатнашиб, 3 та гол ва 2 та голли узатма муаллифи бўлди.