"Атлетико" раҳбарияти жамоа бош мураббийи Диего Симеоне билан амалдаги шартномани узайтирмоқчи.

Calciomercato нашрининг хабар беришича, томонлар ўзаро келишувни 2024 йилнинг ёзига қадар узайтириши кутилмоқда. Айтиш лозимки, Симеоненинг “матрасчилар” билан амалдаги шартномаси 2022 йилга қадар имзоланган.

Аргентиналик мутахассис "Атлетико"ни 2011 йилнинг декабридан буён бошқариб келмоқда. Ўтган давр мобайнида "матрасчилар" Симеоне қўл остида жами 8 та соврин ютди. Улар орасида 2 таси Ла Лига чемпионлигидир.

“Атлетико” якунланган мавсум Испания чемпионатида сўнгги тургача давом этган чемпионлик пойгасида ҳамшаҳари “Реал”ни ортда қолдиришга ва ғолибликни қўлга киритишга муваффақ бўлди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар