“Atletiko” yulduzi bosh murabbiyga bosh ko‘tardi

“Atletiko”ning eng qimmat transferlaridan bo‘lgan Joau Feliks Madrid derbisida zaxiraga olgani uchun bosh murabbiy Diego Simeonega noroziligini oshkora namoyon qildi.

60-daqiqada maydondan chiqarilgan hujumchi zaxira o‘rindig‘iga bormasdan, tribunaga chiqdi va u erdagi kursilarni tepib tashlash orqali bosh murabbiyga e’tirozini ko‘rsatdi.

Uchrashuvdan so‘ng Simeone Feliksni nega almashtirganini izohladi.

- Menga hujum markazi va maydon o‘rtasida yangi kuchlar kerak edi. Ustunlik “Real” tomonida bo‘ldi va biz jamoani kurashga qaytaradigan golni urolmadik. Feliksni 90 daqiqa o‘ynamoqchi bo‘lgani uning klubga ko‘proq xizmat qilish istagidan ekanini bilaman, - dedi Simeone.