"Атлетико"да Фелишга барча шароитлар яратиб берилади

Мадриднинг "Атлетико" клуби бош мураббийи Диего Симеоне ҳужумчи Жоау Фелишнинг келажаги ҳақидаги саволга жавоб берди.

"У биз билан экан, мен унга ўз имкониятларини ишга солиши учун барча шароитларни яратиб бераман. Кейинроқ нима бўлиши номаълум. Бу ерда кўпчилик унинг жамоада қолишини истаяпти", - деди Симеоне "Эльче"га қарши ўйиндан сўнг ташкил этилган матбуот анжуманида (2:0).

Олдинроқ Фелиш қишки трансфер ойнасида "матрасчилар" лагерини тарк этишни исташи ҳақида хабарлар тарқалган эди. Португалиялик футболчининг Мадрид клуби билан шартномаси 2026 йилнинг ёзига қадар тузилган.

"Transfermarkt" портали футболчининг нархини 50 миллион еврога баҳоламоқда. У жорий мавсум "Атлетико" сафида барча турнирлар доирасида 19 та ўйинда майдонга тушиб, 5 та гол урди ва 3 та голли узатмани амалга оширди.