“Атлетико“нинг 6 футболчиси МЮга қарши ўйинни ўтказиб юбориши мумкин

МЮга қарши бўлиб ўтадиган ЕЧЛ ўйини олдидан “Атлетико“да жиддий йўқотишлар мавжуд. “Матрасчилар“ асосий таркибидан ўрин олган 6 нафар футболчи бу баҳсни ўтказиб юбориши мумкин.

Ушбу рўйхатдан жамоа сардори Коке, шунингдек, Суарес, Гризманн, Карраско, Фелипе ва Лемар каби футболчилар жой олган. Коке, Гризманн, Лемар ва Суаресда кичик жароҳат борлиги айтилмоқда.

Карраско ва Фелипе қизил карточка олгани сабаб дисквалификация қилинган. Улар жавоб учрашувида клубига ёрдам бериши мумкин бўлади.