"Ayaks" Gollandiya terma jamoasi hujumchisi bilan shartnoma imzoladi

"Ayaks" o‘zining rasmiy sayti orqali "Verder" hujumchisi Devi Klassenni tarkibga qo‘shib olganini ma’lum qildi.

27 yoshli futbolchining transferi amsterdamliklarga 11 mln evroga tushgan. Ushbu summa kelajakdagi bonuslar hisobiga yana 3 millionga ortishi mumkin. Devining o‘zi esa yangi jamoasi bilan 2024 yilgacha shartnoma imzoladi. U “Ayaks”da 6-raqamda o‘ynaydi.

Klassen asli “Ayaks” tarbiyalanuvchisi hisoblanadi. U “Verder” safida 2018 yildan buyon to‘p surib kelayotgan edi. U o‘tgan ikki yil davomida bremenliklar safida jami 81 ta o‘yinda maydonga tushdi va o‘z hisobiga 16 ta gol hamda 13 ta golli uzatma yozdirib qo‘ydi. Gollandiya terma jamoasida esa 16 ta o‘yinda maydonga tushgan va 4 ta gol urgan.