Азамат Нуфтиллаев Тошкентда жанг қилади. Рақиб маълум бўлди

19 февраль куни Тошкентда U1 ҳамда "Октагон" промоушени ҳамкорлигида катта ММА кечаси ташкил этилади. Ушбу оқшомда бир қатор ўзбекистонлик машҳур ММА вакиллари жанг қилади. 

"Файт-кард" ҳақида батафсил маълумот берган эдик. Бугунга келиб, яна бир машҳур ММА жангчимиз ушбу турнирда жанг қиладиган бўлди. Яъни, оғир вазн тоифасида ўз жангларини ўтказадиган, "Аждар" номи билан машҳур вакилимиз Азамат Нуфтиллаев россиялик Арсен Абакаров билан баҳс юритади. 

Маълумот учун, Азамат Нуфтиллаев хозирга келиб, 11 та жанг ўтказган ва барчасида ғалаба қозонган. Абакаровнинг рекорди эса, 5-3 кўриниш олган.