Азар "Челси"га қайтадими?

"Реал" ярим ҳимоячиси Эден Азар "Челси"га қайтишга қизиқмаяпти, дея хабар бермоқда Marca.

Нашрнинг ёзишича, ҳозирча 31 ёшли бельгиялик футболчи ўзи учун қадрдон бўлган Лондон клубига қайтиш вариантини кўриб чиқмаяпти. Таъкидлаш керакки, Азар 2012 йилдан 2019 йилгача “аристократлар” сафида тўп сурган ва фаолиятининг энг ёрқин дамлари ҳам айнан мана шу клуб билан бевосита боғлиқ.

Азар бошқа таклифларни кўриб чиқмоқчи, аммо ҳозирча унга даъвогарлар йўқ.

Жорий мавсумда Азар "Реал" сафида 17 та ўйинда майдонга тушиб, 1 та гол ва 2 та голли узатмани амалга оширди. Унинг трансфер қиймати 18 миллион еврони ташкил қилади.