Азиз Амонов "Истиқлол"ни тарк этди ва катта эҳтимол Ўзбекистон чемпионатига қайтади

Яқинда легионеримиз Азиз Амоновни Эроннинг “Истиқлол” клубини тарк этаётгани тўғрисида Sports.uz сайти орқали хабар бергандик.

Олган сўнгги маълумотга қараганда, Амонов “Истиқлол”ни тўлиқ тарк этди. Айни пайтда футболчининг хизматига жиддий таклифлар тушмоқда. Аниқроғи, Анталияда ўқув-машғулот йиғинларини олиб бораётган жамоалар орасида Азизнинг хизматига жиддий қизиқиш билдираётганлари бор.

Айтиш мумкинки, Амонов янги мавсумни катта эҳтимол билан Ўзбекистон чемпионатида бошлайди. Футболчи тез орада бир қарорга келади.